Category Archives: تعالوا خل نسولف :d

Ask Me

قياسي

السلام عليكم

 

اليوم وأخيراً قررت إنشاء فورم سبرينغ لي ، بعد صراع نفسي دام مدة ساعة أو تزيد

 

 

من زمان ودي أنشئه بس خفت تجيني أسئلة كذا ولا كذا أنا في غنى عنها   <

 

 

ثم قررت إن إيجابياته تغلب على سلبياته ، وتم الإنشاء صباح هذا اليوم  

 

جعله مباركٍ عليّ إن شاء الله

 

حياكم في ماي آسك

 

 

 

تسعدني أسئلتكم واستفساراتكم وهواشكم وكل شي

 

بس رجاءاً ابعدوا عن الأسئلة البايخة والماصلة والشخصية جداً جداً   < وش بقى تكفين  !

 

(f)

ذكريات مغبرة :d

قياسي

السلام عليكم ورحمة الله وبركاته

 

حيا الله زوار مدونتي العزيزة

اقلطوا القهوة على النار

 

في يومن من الأيام وأنا قاعدة أدرس << دافورة اسم الله علي

 

المهم إني مليت :S << يقالها مستمتعة قبل 

 

وفجأتن

تذكرت شي مغبر مررررة 

 

هذي صورة للشي المغبر

 

هذا الشي الله يسلمكم .. مايسمى بـ ” الأتوجراف ” حقي يوم أنا بسادس إبتدائي

من أول السنة والأتوجرافات رايحة جاية

عشانها آخر سنة وبنتفرق وكذا

بالذات أنا ولطيفة  ماخلينا أحد إلا وهو كاتب لناا << بزران وطافين به 

حتى المديرة والمعلمات ومعلمات الدار << مانلعب حنا

 

بس مانعطيه لأحد إلا وهي حالفة ماتقرأ باقي الرسايل  << خبركم أسرار وأشياء خاصة مانبيهم يقرونها

 

وه بس يازين ذيك الأيام

 

الحين تعالوا بوريكم وش داخله

 

 

أهم شي إني محترمة

 

أحس كأنها طافة بكلمة ” مدى ”

 

العفو  ياحبيلتس سارة

 

 

صديقتها المحبة  <<

آآآمين ياختي الله يسمع منتس

 

أبفهم طيب أنا نجمة بيضاء ولا وردة  حمراء تهب رائحتها في العالم

أهم شي Lov <<

ابعدوا عنها وهي تكتب إنجليزي

 

وشكراً << كأنها تكتب خطاب رسمي

 

 

 

حسيت إني عجوز

..

 

شكلها تسمع بالغزل العفيف

نبع قلبي  .. ماخبرت القلب ينبع <<

 

أسسسسسستحي ترا :$  << برا

 

اللي بالأسود هذا ترقيم والعياذ بالله   

كانوا يكتبون الرسالة .. وبعدين ” أرجوا منكي عدم نسيان هذا الرقم : ******* ”

الله يصلحهن بس  <<

 

 

لاحظوا إنها تقدر تستغنى عني <<

ماشاء الله تشبيهاتها بليغة  .. عندها موهبة فطرية

 

أبكي لكي بدموع عيني  و ليش تبكين ياكافي .. وش صاير  ؟! <<

وعليكم السلام والرحمة  << رد السلام واجب

 

..

 

ماعندها كلمة  .. بس عندها 3 صفحات كاتبتهن

 

أهم شي الكسرة اللي تحت ” لك ”

..

الرسمة في الخلف  << خايفة إني أضيّع

 

شوفوا الرسمة اللي بالخلف

 

 

مايحتاج أقول أن الصورة مهزوزة لأني فقدت السيطرة على الكام من الضحك

 

..

 

أكيد أن أغلبيتكم مافهموا الرسم !!

 

لذلك بوريكم تفسير الرسم اللي في الصفحة المقابلة عشان تفهمون صح  

 

 

لهنا وبس .. ماراح أعلق لأن البنت فسرت الرسم ووضحته المفروض تفهمونه عاد  <<

 

 

..

 

طبعاً باقي كثيييييير رسايل زي كذا  .. بس يكفي طولت عليكم << بدري

 

لما قريت هالرسايل  تذكرت ذيك الأيام  كانت أيام حلوة بكل مافيها

 

للأسف فرقتنا الأيام وماعاد أعرف عن صديقاتي شي

 

بس باقية علاقتي مع صف صف  ولطوف  وهنو

الله يسعدكم

 

 

خلاص يكفي كذا اليوم  .. أشوفكم مع أتوجراف الثانوية إن شاء الله <<

 

في أمان الله